Ýsu uppskrift

Árstíð: Allt árið - Fyrir: N/A - Fitusnautt: Nei - Slög: 8155



Hráefni:

Þú þarft eftirfarandi hráefni í þessa uppskrift að ýsu:

800 grömm ýsuflök
1 laukur
1 paprika
1-2 epli
4 gulrætur
1 teskeið karrý
100 grömm rjómaostur
1 desilítri rjómi
1 teskeið salt
1 teskeið season all
½ teskeið sítrónupipar



Aðferð:

Skerið laukinn í sneiðar, paprikuna í strimla og eplin og gulræturnar í bita. Brúnið laukinn létt á pönnu. Bætið paprikunni í og látið þetta krauma. Að lokum er eplunum og gulrótunum bætt út í og karríinu stráð yfir. Bætið þá rjómaostinn saman við og hellið rjómanum yfir. Skerið fiskinn í lítil stykki og leggið yfir grænmetisblönduna og kryddið. Lokið pönnunni og látið þetta malla við hægan hita í 5-10 mínútur.

Ýsu uppskrift er bætt við af Sylvíu Rós þann 02.06.10.

Sendu inn þínar uppskriftir og þú átt möguleika á að vinna glæsileg verðlaun