Súkkulaði fondue

Árstíð: Allt árið - Fyrir: 3 - Fitusnautt: Nei - Slög: 5901



Hráefni:

Þú þarft eftirfarandi hráefni í uppskrift að Súkkulaði fondue.

1 desilítri rjómi
3 ræmur af appelsínuberki (gula lagið)
100 grömm Síríus rjómasúkkulaði, saxað
100 grömm Síríus Konsum Orange súkkulaði, saxað
1 matskeið Grand Marnier líkjör (má sleppa)

Til að dýfa ofan í:
Appelsínubitar, ferskur ananas, jarðarber, perur, kíví, mandarínur, fíkjur, kirsuber og annað sem hugurinn girnist.


Aðferð fyrir Súkkulaði fondue:

Hellið rjómanum í pott, bætið appelsínuberkinum út í og hitið að suðu.
Takið pottinn strax af hellunni og leyfið rjómanum að bíða í 30 mínútur svo að hann drekki í sig bragðið af appelsínuberkinum.
Takið appelsínubörkinn upp úr. Hitið rjómann aftur að suðu. Setjið saxað súkkulaðið í skál og hellið rjómanum yfir.
Látið líða 30 sekúndur og hrærið svo í þar til súkkulaðið hefur bráðnað og blandan er slétt og samfelld. Hrærið Grand Marnier saman við, hellið í fondue-pott og berið fram strax.


þessari uppskrift að Súkkulaði fondue er bætt við af Dísa Jóns þann 30.12.09.

Sendu inn þínar uppskriftir og þú átt möguleika á að vinna glæsileg verðlaun