Sæla

Árstíð: Jól - Fyrir: N/A - Fitusnautt: Nei - Slög: 3601



Hráefni:

Þú þarft eftirfarandi hráefni í uppskrift að Sæla.

4 eggjahvítur
2 1/2 desilítrar sykur
5 desilítrar kókosmjöl
50 grömm Síríus suðusúkkulaði (konsum) brytjað

Krem
4 eggjarauður
4 matskeiðar flórsykur
50 grömm smjör
150 grömm Síríus suðusúkkulaði (konsum)
3 desilítrar rjómi þeyttur



Aðferð fyrir Sæla:

Botnar:
Stífþeytið eggjahvíturnar og setjið sykurinn smám saman út í á meðan. Bætið kókosmjölinu og súkkulaðinu varlega saman við. Bakið í tveimur 22 cm tertumótum við 150 gráður í um það bil 45 mínútur.

Krem:
Þeytið saman eggjarauður og flórsykur. Bræðið súkkulaðið og smjörið yfir vatnsbaði, kælið lítið eitt og hellið súkkulaðiblöndunni út í eggjahræruna. Setjið hluta af kreminu og rjómanum á milli botnanna og afganginn af kreminu ofan á. Þessa köku er tilvallið að frysta og bera fram hálf frosna.


þessari uppskrift að Sæla er bætt við af Elinborgu Baldvinsdóttur þann 28.10.07.

Sendu inn þínar uppskriftir og þú átt möguleika á að vinna glæsileg verðlaun