Marengsdraumur með súkkulaðimús

Árstíð: Allt árið - Fyrir: N/A - Fitusnautt: Nei - Slög: 3305



Hráefni:

Þú þarft eftirfarandi hráefni í uppskrift að Marengsdraumur með súkkulaðimús.

Botnar:
8 eggjahvítur
4 desilítrar sykur
200 grömm marsipan (hrámarsipan)

Súkkulaðimús:
300 grömm Síríus suðusúkkulaði (konsúm)
200 grömm Síríus rjómasúkkulaði, hreint
6 desilítrar rjómi
4 eggjarauður
4 matskeiðar sykur



Aðferð fyrir Marengsdraumur með súkkulaðimús:

Botnar:
Stífþeytið eggjahvíturnar og bætið sykrinum smátt og smátt út í (1 desilítri í senn). Þeytið vel þar til blandan verður að þykkum marengs. Rífið marsipanið á rifjárni og setjið það saman við marengsinn í áföngum með sleikju eða sleif. Teiknið fjóra hringi á bökunarpappír með blýanti (notið t.d. disk til að mæla stærðina). Snúið örkinni við og setjið á ofnplötu. Setjið degið á bökunarpappírinn og notið hringina sem mál. Bakið við 150 gráður neðst í ofninum í 30 mínútur eða þar til yfirborðið er orðið ljósbrúnt að lit. Slökkvið þá á hitanum og kælið botnana í ofninum. Fjarlægið bökunarpappírinn og geymið botnana í kæli þar til þeir eru settir saman.

Súkkulaðimús:
Bræðið súkkulaðið varlega yfir vatnsbaði við vægan hita. Hrærið í því á meðan það bráðnar. Stífþeytið rjómann. Þeytið eggjarauðurnar og sykurinn vel saman þar til blandan er ljós og létt. Bætið bráðna súkkulaðinu smátt og smátt út í og hrærið vel. Hrærið rjómanum saman við með sleikju og geymið kremið í kæli þangað til kaka er sett saman. Einnig má smyrja kremi ofan á kökuna.

þessari uppskrift að Marengsdraumur með súkkulaðimús er bætt við af Elinborgu Baldvinsdóttur þann 07.11.07.

Sendu inn þínar uppskriftir og þú átt möguleika á að vinna glæsileg verðlaun