Kótilettur með fyllingu

Árstíð: Allt árið - Fyrir: N/A - Fitusnautt: Nei - Slög: 4050



Hráefni:

Þú þarft eftirfarandi hráefni í uppskrift að Kótilettur með fyllingu.

1/2 lambahryggur, stór (sagaður langsum, úrbeinaður)
15 grömm smjör
750 grömm kartöflur
2 1/2 desilítri mjólk
160 grömm rifinn 26% ostur

Fylling:
1 laukur, saxaður
2 sellerístilkar, saxaðir
30 grömm smjör
2 matskeiðar brauðmylsna
Salt og pipar



Aðferð fyrir Kótilettur með fyllingu:

Skerið hrygginn í 2-2 1/2 cm sneiðar. Látið lauk og sellerí krauma í smjörinu í 2-3 mínútur. Hrærið brauðmylsnu, salti og pipar saman við. Kælið. Hitið ofninn í 190 gráður. Skerið vasa í hverja kjötsneið, þá hlið sem snéri að beininu. Skiptið fyllingunni niður í vasana. Saumið fyrir og snöggsteikið kjötið á hvorri hlið í 15 grömmum af smjöri.
Afhýðið kartöflurnar og skerið í þunnar sneiðar. Raðið þeim á eldfast fat, stráið salti og pipar á milli laga. Takið sauminn úr kjötinu og raðið því ofan á kartöflurnar. Hellið mjólkinni yfir og stráið rifnum ostinum yfir að lokum. Bakið í 45-50 mínútur.

þessari uppskrift að Kótilettur með fyllingu er bætt við af Sylvíu Rós þann 13.07.10.

Sendu inn þínar uppskriftir og þú átt möguleika á að vinna glæsileg verðlaun