Frábærar súkkulaðismákökur


Árstíð: Allt árið - Fyrir: 0 - Fitusnautt: Nei - Slög: 5130

Senda með tölvupóstPrenta út

Hráefni:

Þú þarft eftirfarandi hráefni í uppskrift að Frábærar súkkulaðismákökur.

175 grömm Síríus suðusúkkulaði
125 grömm smjör
2 egg
100 grömm sykur
75 grömm púðursykur, gjarnan ljós
2 teskeiðar vanilludropar
75 grömm hveiti
25 grömm kakóduft
1 teskeið lyftiduft
1/4 teskeið salt
200 grömm súkkulaðidropar
100 grömm heslihnetuflögur


Aðferð fyrir Frábærar súkkulaðismákökur:

Hitið ofninn í 180 gráður. Bræðið súkkulaði og smjör saman í potti við vægan hita og hrærið stöðugt þar til það er slétt og samlagað. Takið pottinn þá af hitanum.
Setjið egg, sykur, púðursykur og vanilludropa í skál og þeytið þar til blandan er létt og ljós. Þeytið súkkulaðismjörinu saman við í mjórri bunu. Sigtið hveiti, kakóduft, lyftiduft og salt yfir og hrærið. Blandið að lokum súkkulaðidropum og hnetuflögum saman við deigið.
Setjið deigið á pappírsklæddar bökunarplötur með tveimur teskeiðum og hafið gott bil á milli, kökurnar fljóta dálítið út. Lagið kökurnar e.t.v. ögn með blautum fingurgómum ef þær eru ekki alveg kringlóttar og fletjið toppinn svolítið.
Bakið þær ofarlega í ofni, í 7-8 mínútur - þær virðast e.t.v. ekki alveg fullbakaðar en það er allt í lagi, látið þær bara kólna á plötunni í nokkrar mínútur og færið þær síðan yfir á grind.

Það fást um 50 smákökur úr uppskriftinni!

þessari uppskrift að Frábærar súkkulaðismákökur er bætt við af Perla S. þann 25.10.09.

Sendu inn þínar uppskriftir og þú átt möguleika á að vinna glæsileg verðlaun
Uppskriftir vikunnar

Fáðu vikulegt fréttabréf:
Fréttabréf með uppskriftum vikunnar
Skrá Afskrá
Nú eru 29 áskrifendur.


Veftré | RSS | © HEPHEY 2002 - 2008

Frábærar súkkulaðismákökur
Hér ert þú  :   Uppskriftir  >  Matur  >  Kökur  >  Frábærar súkkulaðismákökur